النهاردة كنت بحاول افتكر تفاصيل عدت لحكايات فاتت..ومقدرتش..اكتشفت أن الحاجات اللي كنت فكراها مش ممكن تتنسى ممكن بلمسة واحدة من إيد تمر عليها تمحيها كلها بشكل بسيط..و حلو..
النهاردة كنت بحاول افتكر تاريخ ما ..وأغنية ما..و حاجات حزينة و حاجات مفرحة..واكتشفت أن الذكريات مش بتتراكم زيّ ما كنت فاكرة..الذكريات مادة تذوب فيما يليها..وخصوصاً لو درجة حرارته كانت أعلى..
النهاردة ممكن أقول أن الحكايات اللي مرت ..مرت فعلاً لواحدة غيري..وأن الحكايات اللي جايه..مش أكيد هتبقى ليا..بس أنا هقدر استمتع بيها بشكل أو بأخر...
لو الحكاية المرة دي مكانتش حتى حقيقية..فأنا مكتفيه بده .و مبسوطة..وراضية..و مقتنعة..
الحكاية المرة دي مقلقة..وعويصة..و أسطورية..و بسيطة..و حزينة..و سعيدة..والأهم من ده كله..هى حكاية أخيرة..
كأن الزمن ماشي بيعدي علينا و يستضيفنا و يكمل طريقه .. الظروف بتعيشنا .. أيوه بس كمان بتعملنا .. و اذا كنا لسه قادرين نستمتع بالحكايات .. يبقي ضعف الذاكرة مش مرض .. و الوقت اللي بنقدر نخلق فيه الحكايات ميلاد جديد .. و لما ييجي وقت زي ده .. مش هيبقي فيه حكاية أخيرة .. يبقي مش هننتهي
ردحذف((: